三招幫煲劇迷KO眼睛疲勞

【低頭族必睇】手機可以驗眼睛健康?教煲劇迷三招K.O眼睛疲勞!

【低頭族必睇】近排成日留喺屋企,唔少人都會選擇煲劇嚟打發時間,有時睇得太入神分分鐘煲通宵,搞到隻眼第二日又乾又攰。日本有節目近日就教大家一招超簡易手機驗眼術,只需一部影到相嘅智能手機,大家就可以喺屋企快速檢查有冇眼睛疲勞問題!

根據節目所講,大家只要搵一個陰暗地方,距離2-3米開閃光燈,對住個頭影相,如果影出嚟發現眼瞳有明顯紅光,即係代表你眼睛「超健康」,相反如果眼冇紅光,即係代表雙眼疲勞,令瞳孔無法正常開合,閃光燈嘅光射唔到入眼底。不過小編提提大家,依家有唔少電話都有防紅眼功能就未必試得到有冇眼睛疲勞!

日本節目

如果真係有眼睛疲勞問題點算好?大家不妨試吓以下3招方法啦!

第一招: 按摩太陽穴

第一招

大家可以用牙刷尾部,用力按摩太陽穴,根據日本節目,咁樣做可以放鬆眼部附近肌肉,令周圍血液循環更好!

第二招: 濕毛巾敷眼

第二招

節目亦有教大家,濕毛巾敷眼可以紓緩眼睛疲勞,不過要注意,應該係先用凍水濕敷1分鐘,然後再用熱水敷3分鐘,咁樣先最有效!

第三招: 護眼保健品

白蘭氏黑醋栗金盞花葉黃素

除咗紓緩方法之外,大家亦可以進食護眼保健品紓緩眼睛疲勞問題!其中,白蘭氏嘅「黑醋栗+金盞花葉黃素」,含豐富花青素日本關西學院大學研究實證,兩周內有效舒緩眼睛疲勞,令大家雙眼重拾健康!

資料、圖片來源: 日本節目《教えてもらう前と後》

分享給朋友:

Share on facebook
Facebook
Share on whatsapp
WhatsApp
Share on email
Email
Share on print
Print